Persónuverndarstefna

Þessi stefna nær yfir Arcova-appið, Arcova-kubbinn, þennan vef og tölvupóst sem þú sendir okkur. Hún segir hvað við söfnum, hvers vegna, hverjir aðrir sjá það, hve lengi við geymum það og hvað þú getur beðið okkur um.

Hver við erum

Arcova ehf., kennitala 490925-3680, Jarpstjörn 4, 113 Reykjavík, ber ábyrgð á gögnunum þínum. Skrifaðu okkur um þau á arcova@arcova.is.

Hvað við söfnum

• Aðgangurinn þinn: nafn, netfang og tungumálið sem þú valdir, og annaðhvort tætigildi lykilorðsins eða auðkennið sem Apple, Google eða Facebook gefur okkur þegar þú skráir þig inn með þeim. Við geymum líka kóðana sem við sendum þér í tölvupósti og hvenær þú skráðir þig inn.
• Hlustunin þín: hvenær hver lota hófst og lauk, hvaða kubbur var tengdur og daglega markmiðið sem þú settir þér. Ekkert hljóð er tekið upp eða sent til okkar.
• Kubburinn þinn: raðnúmer hans, Bluetooth-auðkenni og fastbúnaðarútgáfa, stýrikerfi símans og útgáfa appsins.
• Villuskýrslur: þegar villa kemur upp í appinu eða á netþjónum okkar, skýrsla með tæknilegum upplýsingum um villuna og tækið. Hún inniheldur engin hlustunargögn.
• Tölvupóstur sem þú sendir okkur: skilaboðin og netfangið þitt.
• Þessi vefur: engar vafrakökur, engar vefmælingar og engin eyðublöð. Netþjónninn skráir IP-tölu, tíma og síðu hverrar beiðni.

Hvers vegna við notum þau

• Til að veita þér þjónustuna sem þú skráðir þig fyrir: aðganginn, efnissafnið, hlustunarsöguna og fastbúnaðaruppfærslur. Það er nauðsynlegt vegna samnings okkar við þig (b-liður 1. mgr. 6. gr. GDPR).
• Til að laga villur og halda þjónustunni öruggri, með villuskýrslum og netþjónaskrám. Það byggir á lögmætum hagsmunum okkar af þjónustu sem virkar og er ekki misnotuð (f-liður 1. mgr. 6. gr.). Þú getur andmælt því.
• Til að halda skrár sem lög krefjast (c-liður 1. mgr. 6. gr.).

Við seljum ekki gögnin þín, notum þau ekki í auglýsingaskyni og tökum engar sjálfvirkar ákvarðanir um þig.

Hverjir aðrir sjá þau

• Scaleway hýsir netþjóna okkar og gagnagrunn í París í Frakklandi.
• Google Workspace sendir tölvupóstinn okkar.
• Sentry geymir villuskýrslur í Frankfurt í Þýskalandi.
• Apple, Google og Facebook, ef þú skráir þig inn með þeim. Þau sjá um sinn hluta samkvæmt eigin persónuverndarstefnum.

Google og Sentry eru bandarísk fyrirtæki. Þegar gögnin þín berast til Bandaríkjanna eru þau vernduð af gagnaverndarramma ESB og Bandaríkjanna (EU–US Data Privacy Framework) og stöðluðu samningsákvæðunum í vinnsluskilmálum þeirra. Við afhendum líka gögn þegar lög krefjast þess.

Hve lengi við geymum þau

• Aðgangurinn og hlustunarsagan: þar til þú eyðir aðganginum.
• Villuskýrslur: 90 dagar.
• Netþjónaskrár: 30 dagar.
• Afrit: 7 dagar, en eftir það eru eydd gögn líka horfin úr þeim.
• Tölvupóstur sem þú sendir okkur: eins lengi og við þurfum til að sinna erindinu.

Að eyða aðganginum

Í appinu ferðu í Stillingar, velur Eyða aðgangi og skrifar DELETE. Þá er aðganginum, innskráningarupplýsingunum og hlustunarsögunni eytt og við sendum þér staðfestingu í tölvupósti. Við geymum skráningu um að eyðingin hafi farið fram, ásamt afriti af aðgangsupplýsingunum eins og þær voru þá, í 4 ár, svo við getum sýnt fram á að við gerðum það. Ef þú getur ekki notað appið skaltu senda okkur póst og við gerum það fyrir þig.

Réttindi þín

Þú getur beðið okkur um afrit af gögnunum þínum, að leiðrétta þau, eyða þeim, takmarka eða andmæla notkun okkar á þeim, eða senda þér þau á flytjanlegu formi. Sendu póst á arcova@arcova.is til að biðja um það.

Þú getur líka kvartað til Persónuverndar eða til persónuverndaryfirvalda þar sem þú býrð.

Breytingar

Við breytum dagsetningunni efst þegar við breytum þessari stefnu og látum þig vita í appinu eða með tölvupósti áður en mikilvæg breyting tekur gildi.